انتخابات فى كل مكان

[امين]

شباب عاوزين نعمل انتخابات لى رئاسة المنتدى دا وانا اول مرشح ورمزى الانتخابى عصاية بلياردو واول حاجة ح اعملها بعد اجلس على كرسى الرئاسة ح اعمل نايم:)

[عبدالكريم عابدين]

بسم الله الرحمن الرحيم


أهلاً برئيسنا النائم أقصد القائد إن شاء الله بس تتذكرنا بعدما تفوز بإعتبار إنى أول واحد شارك معاك . أنا زاتى فترت من زعامة المعارضة وقلت كدى نرضى بنيابة الرئاسة أسوةً بالحوار الغلب شيخو وكرسيوه مضمون وما خاشي فى موضوع الإنتخابات دى خالص.

بس يا ريس أنا ما بحب البلياردو ومن مشجعى السباحة بدون البكيني وركوب الخيل والرماية ممكن نغير الرمز لو تسمح، وصدقنى الأولانى حيجيب ليك أصوات بالهبل!!!!

[امين]

اولا شكرا على تعقيبك بس كان غيرت الرمز ح يقولو رئيس ما عند راى زى واحد كدا مرشح ورمزو *


ع العموم وعشان انت اول واحد وعشان ماعاوز زول يصحينى عملتك نايم اقصد نايب

[عبدالكريم عابدين]

بسم الله الرحمن الرحيم

مشكور يا ريس ، لكن أعمل حسابك ناس الكلاكلة ديل إنقالابيين أسرع من الصاروخ زاتو ، ودليل ذلك الكرسي الملكى فى بوست الألعاب ((أجمل لعبة الأساسها ابو سمرة فى لمحة قلعو منو الكرسى)) وبعدين سيادتك زاتك جيت ببرلمة حاولت تقلب عليهم.

صدقنى نغير الرمز للأولانى أحسن ، شوف هسع البوست دا حنفضل فيهو برانا، وما حتلقى ناخبين، ودا كلوا من الرمز ويمكن عدم تسجيلك فى تعارف المنتدى يكون سبب آخر.
لما تصحى يكون الجماعة فى رحلة اللقاء السادس إختارو ريس تانى..

[امين]

حبيبنا والله لكن انت عاوز تفرض رايك على رئيسك كدا انا ماحاعملك نائب ((رايك شنو نعمل الرمز مخدة))؟؟؟