أول طائرة صناعة سودانية

[ود البلد]

http://www.arb-up.com/files/arb-up-2009-7/bF086509.jpg (http://www.arb-up.com/)


أعلن المدير العام لشركة الصافات التابعة للتصنيع الحربي وصيانة وعمرة الطائرات العميد معاش ميرغني إدريس عن اكتمال وتصنيع عدد (2) طائرة من شركة الصافات (1) و(2) تم تصنيعها حسب الأجواء السودانية للتصنيع الحربي من اصل (10) طائرات صناعة سودانية خالصة وبيد فتية سودانية بمصنع الصافات . واكد المدير العام للمصنع عميد معاش ميرغني ادريس في التنوير الصحفي الذي عقد امس بأرض المدينة الصناعية بشمال امدرمان بمحلية كرري استعداد الدولة في اتجاه تصنيع الطائرات . وتوطين صناعة الطائرات بالسودان بالتنسيق مع بيوت خبرة أجنبية وسودانية في التصنيع في مجال الطيران وتوطين الصناعة بالداخل واتجاه السودان شرقاً لاكتساب التكنولوجيا الحديثة وتصنيع الطائرات الخفيفة . مثل طائرات ( الرش الزراعي والاستطلاع الميداني وطائرات الانتنوف) .وقال العميد ميرغني ان المصنع بدأ بصيانة الطائرات الروسية الصنع والطائرات المروحية ، وان المصنع يستقبل اكبر عدد من الطائرات بغرض العمرة والصيانة الكاملة داخل السودان وبحسب صحيفة الرائد يشهد مطلع يوليو المقبل افتتاح مجمع الصافات وتدشين تحليق ( أول طائرة سودانية الصنع ) بيد المشير البشير رئيس الجمهورية .


نقلا عن موقع النيلين



تحياتي :
ود البــــــــــــلد

[alwajeeh]

حبيبى ود البلد حياك الله , للمعلومة فقط اول طيارة كانت كلاكلاوية 100% وصنعت من جهد مقدر من اخونا ودالسر موسى..لكن مافى زول من الحكومة قالو بتسوى فى شنو...?
ياحليلك يابلد....
مشكور ودالبلد وعودا موفقا

[كباشي حمد]

إن شاءالله كل يوم نسمع أخبار جديدة عن تقدم في مجال من المجالات ومبروك لكل السودانيين .. وكلام اخونا الوجيه صحيح يا ودالبلد الطائرة الكلاكلاوية لم تجد الدعم الرسمي لترى النور .. وعموما مبروك مرة ثانية

[osama]

طيارة سودانية ؟؟؟
ياخي انا طيارة أمريكية فيها شعار سودانير مابركبها

[حسن احمد عثمان]

إن شاءالله كل يوم نسمع أخبار جديدة عن تقدم في مجال من المجالات ومبروك لكل السودانيين .. وكلام اخونا الوجيه صحيح يا ودالبلد الطائرة الكلاكلاوية لم تجد الدعم الرسمي لترى النور .. وعموما مبروك مرة ثانية

بداية من البترول والتصدير مصانع سيارت وسدود وكبارى وانفاق وهسع تصنيع طائرات

قسم بالله اقوى واطهر واشرف حكومه فى تاريخ السودان

بلدى ياحبوب ابو جلابيه 00ماقصرت ياود البلد وصور كبرى توتى اضافه لموضوعك

[ود البلد]

حبيبى ود البلد حياك الله , للمعلومة فقط اول طيارة كانت كلاكلاوية 100% وصنعت من جهد مقدر من اخونا ودالسر موسى..لكن مافى زول من الحكومة قالو بتسوى فى شنو...?
ياحليلك يابلد....
مشكور ودالبلد وعودا موفقا

الحمد لله انو أصبحنا ننجز طائرات وكلاكلتنا هي الريادة في كل مجالات الحياة السياسية والتاريخية والعلمية في السودان ولكن تعرضت لغبن تاريخي أتمنى أن تكاتف لابرازه في منتدانا هذا

وشكرا ليك عزيزي الوجيه على المرور والتعقيب

[ود البلد]

شكرا اليك أيها المبدع دوما العزيز جدا " كباشي حمد" على مرورك


طيارة سودانية ؟؟؟
ياخي انا طيارة أمريكية فيها شعار سودانير مابركبها

عزيزي اسامة صدقني نحن لسنا اقل من الامريكان في شيء الا في الثقة بالنفس

[ود البلد]

بداية من البترول والتصدير مصانع سيارت وسدود وكبارى وانفاق وهسع تصنيع طائرات

قسم بالله اقوى واطهر واشرف حكومه فى تاريخ السودان

بلدى ياحبوب ابو جلابيه 00ماقصرت ياود البلد وصور كبرى توتى اضافه لموضوعك

حقيقة الحكومة أخرست الأفواه بالانجازات نتمنى أن تتواصل على هذا المنوال واللهم اجعل بلدنا آمنا مطمئنا عامرا بالرخاء والسخاء


شكرا ليك أخ حسن على المرور والتعليق

[صلاح الميرغني المكاوي]

عقبال صنناعة المفاعل النووي

[كلكلاوي اصيل]

اي دا الكلام اللي برد الروح
ويسعد النفس




مبروووووووووووك للسودان
وان شاء عقبال ما نبفى بلد صناعي درجة اولى

[كلكلاوي اصيل]

عقبال صنناعة المفاعل النووي


:eek: :eek: :eek:
يا عمك ...


داير البرادعي يجينا بي هنا ولا شنو :confused:

[ود البلد]

[quote][عقبال صنناعة المفاعل النووي/quote]

داير تجيب لينا الهوا مع الجماعة ديل


بس حقيقة آمين يا رب
وتحياتي اليك وأشكرك على التعليق

ود البــــــــــتلد

[ود البلد]

يا عمك ...


داير البرادعي يجينا بي هنا ولا شنو

هو كان بجي براهو ما مشكلة المشكلة الزفة الحايجبا معاه

بس حرِِم احنا ناس الحارة وكان قمنا على المفاعل في راسو بنسويهو


تحياتي :
ود البلد

[alwajeeh]

بداية من البترول والتصدير مصانع سيارت وسدود وكبارى وانفاق وهسع تصنيع طائرات

قسم بالله اقوى واطهر واشرف حكومه فى تاريخ السودان

بلدى ياحبوب ابو جلابيه 00ماقصرت ياود البلد وصور كبرى توتى اضافه لموضوعك




ياودعثمان انت الظاهر عليك حزب وطنى يافردة, وكمان تحلف,,,كشفت روحك براااااك...

[alwajeeh]

طيارة سودانية ؟؟؟
ياخي انا طيارة أمريكية فيها شعار سودانير مابركبها

خخخخخخ بالغت ياسمسم...خخخ

[alwajeeh]

إن شاءالله كل يوم نسمع أخبار جديدة عن تقدم في مجال من المجالات ومبروك لكل السودانيين .. وكلام اخونا الوجيه صحيح يا ودالبلد الطائرة الكلاكلاوية لم تجد الدعم الرسمي لترى النور .. وعموما مبروك مرة ثانية




آمييييين يااستاذنا... الدعم والرعاية مطلوبتين...

[مشرور]

ودى صورتا كمان عشان تصدقوا الكلام

[مشرور]

[http://www.almshaheer.com/newsimages/4444444.jpg

[حسن احمد عثمان]

ياودعثمان انت الظاهر عليك حزب وطنى يافردة, وكمان تحلف,,,كشفت روحك براااااك...

انا بحب وطنى فقط وبحب من يصونه ياوجيهنا وهذة حقيقة امام العالم

اذكر لى حكومه فى تاريخ السودان فعلت مافعلته الانقاذ