أنا يا وطن ..

[ايمن شربيني]

أنا يا وطن ..
بستشعرك وأغني ليك ..
استشعر الزمن الشفيف ..
وأركب غيابات الضنى ..
العشت فيهو سنين بعيد ..
عن جمال عينين لذاذ ..
موسمة في الوطن ..
والله يا وطني الجميل ..
أحكيلك أيه وأخلي أيه ..
عن فرحة الزول المسافر ..
أو عن أسى الزول الكسير ..
صدقني يا وطني الجميل ..
بتذكرك في يومي داك ..
زي التقول يادوب ..
مرقت على المطار ..
شايل حقائب العمر الجميل ..
ناسيك يا زمني الجهول ..
اللحظة ديك أحكيها كيف ..
ما اللحظة ديك ..
مرسومة في الخاطر عديل ..
كم دمعة سالت ..
وكم آهه رفت ..
وكم عين بكت ..
قالدت مين ..
وخليتا مين ..
سكنتو فيك أجمل سنين ..
أنا يا وطن ..
منك وفيك ..
منك وفيك ..
وحياة عيونك مشتهيك ..
والرجعة ليك غاية المنى ..
محتاجة لشجاعة قرار ..
بس كيفن ألقاك يا قرار ..
بس كيفن ألقاك يا قرار ..
لمان قعدت مع النفس ..
بدلت حيرة غربتي ..
وعرفت حبك يا وطن ..
هو القرار ..
وأنبل قرار ..
وجاييك يا حب يا وطن ..
جاييك يا حب يا وطن ..
يا ..
وطن